એવો પુરાવો પૂરો થાય તે સબંધી કાયૅરીતિ

(૧) કલમ-૩૧૦ કે કલમ-૧૩૧ હેઠળ લેવાનો દરેક સાક્ષીનો પુરાવો પૂરો થતો જાય તેમ આરોપી હાજર હોય તો તેની હાજરીમાં અથવા તે વકીલ મારફત હારજ રહ્યા હોય તો તેના વકીલની હાજરીમાં તે સાક્ષીને વાંચી સંભળાવવો જોઇશે અને જરૂર હોય તો તેમાં સુધારો કરી લેવો જોઇશે.

(૨) સાક્ષીને પુરાવો વાંચી સંભળાવવામાં આવે ત્યારે પુરાવાનો કોઇ ભાગ ખરો હોવાની તે ના પાડે તો મેજિસ્ટ્રેટ કે પ્રમુખ જજ તે પુરાવામાં સુધારો કરવાને બદલે સાક્ષીએ તેના અંગે લીધેલા વાંધાની લેખિત નોંધ કરી શકશે અને તેમાં પોતાને જરૂરી લાગે તેવી વિશેષ નોંધ તેણે કરવી જોઇશે.

(૩) જે ભાષામાં પુરાવો આપવામાં આવ્યો હોય તેવી જુદી ભાષામાં તે લખી લેવામાં આવ્યો હોય અને લખાણની ભાષા સાક્ષી સમજતો ન હોય તો લખાયેલ પુરાવો જે ભાષામાં આપવામાં આવ્યો હોય તે ભાષામાં અથવા સાક્ષી સમજતો હોય તે ભાષામાં તેને સમજાવવો જોઇશે.